Serchhip-a zan inkhelh awm hmasa ber Futsal Five Tournament chu khelh zawhfel a ni a, Final ah Team Zepor-in 2-0 a IOC Team hnehin an champion.
12.4.17: He tournament hi Serchhip Vengchung Mualah khelh niin April ni 7(Zirtawpni) zan atanga khelh tan a ni a, team 30 lai an tel.
He inelna khar zanah hian Semi-Final leh Final match khelh niin, Semi-Final ah Team Zepor in 4-2 in K.Lalnema Shoe Store an hneh a. Semi Final lehlamah IOC Team in 5-1 in Pekpeki FC an sawp ve thung.
Final match ah Team Zepor leh IOC Team inkhelin Team Zepor tan David Lalawmpuia'n goal hnih khungin an champion a ni.
Final a goal hnih khungtu Team Zepor player chhuanvawr David Lalawmpuia hian Ui Inchuh!Futsal Fest 2017 ah hian goal 8 lai khung Top scorer lawmman a dawng a. Tin, David Lalawmpuia hi he tournament a khel tha ber(Best Player) ah thlan a ni zui bawk.
Thian intelkhawm, "The Amigos" buatsaih he Futsal khawmpui hi player's leh mipui ten an ngaihluin a hmun ah chhimtu an thahnem thin hle.
0 comments:
Post a Comment