Tata Trusts leh Mizoram Football Association tangkawpin,
Mualpui, Aizawla football zirna an din tur, Centre of Excellence-a awm thei tur
naupang zawnna chu Mizoram a hmun thenkhatah tunhnai ah neih mek a ni a, Serchhip
a Leisekawt khelmual ah vawiin khan Serchhip District leh Lunglei District tan neih
a ni.
Mipa naupang, kum 2003-2007 inkara piang te tan he trial hi
buatsaih a ni a, hmun hrang hranga a ti tha te
tan final selection chu Aizawlah neih tur a ni. Final selection-ah hian
CoE enkawltu tur coach lo kalte'n an duhzawng an thlang dawn a ni.
Serchhip a trial neih ah hian AFC ‘C’ Coach Licence nei, Jahar
Das pawh rawn kalin ani bakah hian FIFA Technical Officer & Director, Danny
Lalduhawma, TATA Trust U-Dream Germany a coach Lalchhuanawma leh AIFF Grassroot
coach Lalremruata te an rawn kal a, Centre of Excellence-a awm thei tur naupang
zawnna hi May thla chhung hian Mizoram hmun pali, Lawngtlai, Serchhip, Champhai
leh Aizawl ah neih a ni ang.
