Serchhip District Football Association (SDFA) buatsaih L&L Football Tournament chu November ni khat ațang khan DC Playground, Khawtetlang, Serchhip-ah khelh țan ani a, Ni 25-ah group match khelh zawh niin goal a lut tam hle.
Team tel zat a inkawp kim loh avangin Group B-ah team pali an awm a, Group A, C leh D-ah te team pathum țheuh an awm thung.
Intihsiakna hawnna inkhelah New Serchhip FC-in chiang takin hnehna an chang nghal a, si riat faiin Leisekawt FC an sawp.
GROUP A
New Serchhip FC, Leisekawt FC, RB FC (Sialsuk)
GROUP B
FC Serchhip Kawnpui, AWC FC, Keitum FC, Hmar Veng FC
GROUP C
Vengchung FC, IOC FC, Piler FC
GROUP D
Dinthar FC, P&E FC, 1st Bn. MAP Academy
Group B hian team an ngah hret avangin group stage-ah match thum țheuh an khel a, group dang hian match hnih țheuh an khel thung.
Group stage-ah hian FC Serchhip Kawnpui-in goal khung hnem berin goal 16 zet an khung a, New Serchhip FC-in dawtin goal 14 an khung ve bawk.
Intihsiakna kal mekah hian Hmar Veng FC striker KT Vanlalhruaia leh AWC FC player PC Vanlalhmangaihzuala-ten goal khung hnem ber nihna an chelh mek a, goal nga ve ve khung tawhin PC Vanlalhmangaihzuala goal nga khung hi 6-1 a Keitum FC an sawp țum ami a ni vek thung.
Tun thlengin mahni lama ti lut palh (own goal) vawili an awm tawh a, penalty vanga goal lut pawh vawithum a awm bawk.
Group stage-a goal khung hnem ber FC Serchhip Kawnpui player hrang hrang pasarihin goal an khung tawh a, Red Card vawikhat phawrh tawh ni bawkin Piler FC player Lalremkima chuan Vengchung FC an hmachhawn țumin a hmu a ni.
QUARTER-FINAL FIXTURES:
27/11/2017
New Serchhip FC vs Hmar Veng FC (11:00am)
FC Serchhip Kawnpui vs RB FC (Sialsuk)
28/11/2017
Vengchung FC vs Dinthar FC (11:00am)
P&E FC vs Dinthar FC (1:00pm)
