I DAY 2015 CHAMPION – HMAR VENG FC

Lalremruata(Arapa) goal khat khung hmangin Hmar Veng FC chuan AWC FC an hneh a, Serchhip District Football Association buatsaih I Day Football Tournament 2015 ah an champion.

League match hmasaber ah Hmar Veng FC leh AWC FC te hi intum tawhin 3-1 in AWC FC hi an chak a, Final ni ah erawh inkhel result a danglam. Finalist team te hian fans an nei thain inkhel boruak pawh a tang khawp mai.

Final match hmuhhnawm takah hian hun pangai ah goal lut awm lovin Extra Time khelh a ni a. Extra Time ah Hmar Veng forward David Lalchhandama’n penalty a hlawhchhuak a, Hmar Veng FC tan tawnhriat ngah Lalremruata(Arapa)’n cool zetin he inkhel a goal lut awmchhun leh champion na goal nibawk a khung.

Pic: Hmar Veng FC

Khawtetlang Khelmual a khelh I-Day Football Tournament ah hian Serchhip DFA hnuai a I Division team pasarih(7) te an inel a, tournament hi Round Robin League a khelh niin match 22 khelh a ni a, goal 83 a lut.

Posted in: I-Day Football